اسمي شيري سامح، أخصائي نفسي ومعالج شعوري، بدأت اشتغل مع إسماعيل في 2018 واتعرفت على مدارس العلاج الشعوري.
أخدت شهادة Lifestyle Prescriptions Health Coach واشتغلت جلسات أكثر من ٣٠٠٠ ساعة.
في البداية كنت مبهورة بالنتايج اللي بشوفها في كورسات العلاج الشعوري والصدمات اللي بتتحرر والفوبيا اللي بتختفي وكان عندي تساؤل إزاي ده بيحصل بالسرعة دي؟
وفعلا بدأت الشغل على نفسي ومشاعري والعلاقات المرهقة اللي في حياتي وشوفت التغيير والفرق اللي حصل في علاقتي بنفسي وشغلي وعلاقتي باللي حواليا
كان تغيير جذري، حسيت اني شيلت نظارات كتير ومخاوف و معتقدات معطلاني وعرفت أتصل بنفسي الحقيقية ولحد دلوقتي طول الرحلة بيحصل تطور
عرفت يعني ايه إن الإنسان مكون من أبعاد مختلفة وأن أي خلل في بعد من الأبعاد دي بيخلينا مش متزنين
العلاج الشعوري بيعتبر طريق مختصر لمراحل كثيرة موجودة في العلاج النفسي التقليدي عشان بيركز على الصدمات المسببة للمشاعر اللي موجودة في الحاضر وبيشيل تأثيرها بطرق سهلة وبسيطة
أدركت إن الرحلة في البداية محتاجة شجاعة علشان أفهم نفسي وأقدر أواجه وأحرر المشاعر والصدمات المختزنة من سنين لكن بعدها بيكون فيه تحرر وانطلاق واستمتاع باللحظة