كنت عايشة لوحدي وبشتغل أستاذة جامعة في السعودية، بعد فقدان بابا وماما دخلت دوامة حزن شديدة وبوادر اكتئاب بلعتني أنا وكل حاجة حواليا لمدة سنتين، توتر وتعب، وشعور بغربة ووحدة، واحتياج للحب من الناس بشكل وطريقة معينة، وغضب منهم لأنهم مش بيلبوا الاحتياج ده، ومش قادرة اطلب من حد مساعدة، بدأت اتعب جسمانياً، مش عايزة أصحى من النوم ولا أقوم من مكاني.

قررت استقيل من شغلي وحياتي كلها وانزل مصر عشان احاول اساعد نفسي أو الاقيها، وفضلت سنة بدور، موجودة مع الناس ومش موجودة كأني شبح فاضي من جوا لحد ما بدأ يظهر ليا ألم شديد في القدم طول ما انا في البيت لدرجة أن حتى السجود كان صعب.. مرة طلعت رحلة وقابلت واحدة رشحت لي Therapist، ورغم رفضي لأني مش قادرة اتكلم واحكي الحكاية من الأول عملت معاها جلستين ورجلي بدأت تفك واحدة واحدة. 

الدكتورة شجعتني أطلع ريتريت مع إسماعيل في 2020، وكنت مش فاهمة حاجة وبنام طول الوقت لكن أول مرة أحس براحة وسلام من مدة طويلة جدًا.  

بدأت ادرس مع إسماعيل وقعدت ستنين أخدت الكورسات بحب وشغف، وبدأت أتعلم أصلح علاقتي بنفسي والدنيا والناس اللي حواليا وحسيت بفرق وطاقة حب طالعة مني مكنتش فاكرة انها عندي

كل اللي اعرفه اني اخيرًا خرجت من دوامة الدنيا والأنا وإني محور الكون وحاسة بالرضا والأمان الداخلي والسكون معظم الوقت الحمدلله وحسيت اني عايزة اساعد الناس اللي بيمروا في نفس رحلتي.